Монгол улсын Засгийн газрын 2024 оны 08 дугаар сарын 07-ны өдрийн 26 дугаар тогтоолоор Өвөрхангай аймгийн хэмжээнд тусгай зориулалтаар угалз 1 толгой, тэх 3 толгой агнуулахаар дуудлага худалдааг зарлаж байна.
Дуудлага худалдааг Амьтны тухай хууль, Иргэний хууль, Зөвшөөрлийн тухай хууль, холбогдох журмын хүрээнд Өвөрхангай аймагт 2024 оны 09 дүгээр сарын 04-ны өдрийн 10 цагт цахимаар зохион байгуулна.
Дуудлага худалдаанд оролцох иргэн, хуулийн этгээд оролцох хүсэлтээ Uvurkhangainature@gmail.com мэйл хаягаар ирүүлнэ үү.
Дуудлагаар худалдах тусгай зориулалтаар агнуулах амьтны босго үнэ:
Засгийн газрын 2023 оны 07 дугаар сарын 05-ны өдрийн Босго үнийн хэмжээ тогтоох тухай 261 дүгээр тогтоолыг баримталж дуудлага худалдааны эхлэх босго үнэ тухайн амьтны экологи эдийн засгийн үнэлгээний 20 хувьтай тэнцэх хэмжээтэй байна.
Дэнчингийн хэмжээ: Амьтны тухай хуулийн 291 дүгээр зүйлийн 291,4-т заасны дагуу дуудлага худалдаанд оролцогч нь дуудлага худалдаа эхлэх босго үнийн 10 хувьтай тэнцэх хэмжээний дэнчинг дуудлага худалдаа зохион байгуулагчийн дансанд байршуулна.
Дуудлага худалдаа зохион байгуулах цахим хаяг:
Дуудлага худалдаа эхлэхээс 1 цагийн өмнө цахим хаягаар орж бүртгүүлэн бэлтгэл ажлыг хангасан байна.
Дуудлага худалдаанд оролцогчийн бүрдүүлэх материал:
1. Дуудлага худалдаанд оролцох хүсэлт /ААНБ албан тоотоор, иргэн өргөдөл/, дэнчин төлсөн баримт эх хувиараа,
2. Иргэний үнэмлэхийн хуулбар, хуулийн этгээд бол улсын бүртгэлийн гэрчилгээний хуулбар,
3. Хуулийн этгээдийг төлөөлж оролцох тохиолдолд төлөөлж буй этгээдийг гэрчлэх нотариатаар батлуулсан итгэмжлэл
4. Дэнчинг Төрийн сан банк, ӨВ БОАЖГ 100100013403 тоот дансанд байршуулна.
5. Дуудлага худалдаанд оролцогчдыг 2024 оны 09 дүгээр сарын 02-ны өдрөөс эхлэн цахимаар бүртгэнэ.
6. Дуудлага худалдааны бүртгэлийг 2024 оны 09 дүгээр сарын 03-ны өдрийн 18:00 цагт хаана.
Дуудлага худалдааны журам, бүртгэх хугацаа болон бусад холбогдох мэдээллийг Өвөрхангай аймгийн Байгаль орчин, аялал жуулчлалын газрын 70323260, 99320533 утсаар ажлын цагаар холбогдож мэдээлэл авна уу.
ӨВӨРХАНГАЙ АЙМГИЙН БАЙГАЛЬ ОРЧИН, АЯЛАЛ ЖУУЛЧЛАЛЫН ГАЗАР
