"Төрийн албан хаагчдын VII бага наадам" боллоо
Аймгийн Засаг даргын Тамгын газрын дэргэдэх хэлтэс, агентлагуудын "Төрийн албан хаагчдын VII бага наадам" өнгөрөгч амралтөн өдрүүдэд боллоо. Тус наадмыг аймгийн Биеийн тамир спортын газар, Бүсийн оношилгоо, эмчилгээний төв хамтран Монгол улсын Ерөнхийлөгчийн санаачилгаар хэрэгжиж буй "Эрүүл Монгол хүн" үндэсний хөдөлгөөний хүрээнд зохион байгуулав.
Наадмын нээлтэд аймгийн Засаг даргын орлогч М.Батзориг, Биеийн тамир, спортын газрын дарга Ө.Жамдүдсансүм, БОЭТ-ийн захирал Г.Дашжанцан нар оролцлоо.
Энэ удаагийн бага наадамд 40 байгууллагын 15 багийн 400 гаруй тамирчид волейбол, теннис, дартс, сагсан бөмбөгийн 3х3 гэсэн үндсэн дөрвөн төрлөөр өрсөлдөж, шилдэгүүдээ тодрууллаа.
Багийн нэгдсэн дүнгээр
- Тэргүүн байрт аймгийн ИТХ, Засаг даргын Тамгын газрын хамтарсан баг,
- Дэд байрт Зэвсэгт хүчний 256 анги,
- Гутгаар байрт аймгийн Төрийн аудитын газар, Санхүүгийн хяналт, дотоод аудитын алба, Дотоодын цэргийн 833 дугаар тусгай салбарын хамтарсан баг тус тус шалгарлаа.
Жил бүр төрийн албан хаагчдын эрүүл мэндийг дэмжин бие бялдрыг чийрэгжүүлэх, идэвхтэй хөдөлгөөнөөр хичээллэх, төрийн албан хаагчдын хамтын ажиллагааг бэхжүүлэх зорилгоор уламжлал болгон зохион байгуулдаг. Энэ удаагийн шилжин явах цомыг ЗХ-ний 256 ангид шилжүүлж, 2025 оны төрийн албан хаагчдын спортын бага наадмыг зохион байгуулах эрхийг олголоо.
2024-12-02 09:23:45
