“Эрдэнэс таван толгой” ХК-ийн ТУЗ-өөс 2020 оны 2 дугаар сарын 17-ны өдөр нэгж хувьцаанд 90 төгрөгийн ногдол ашиг (1072 хувьцаатай иргэн 96.480 төгрөг) олгохоор шийдвэрлэж, мөнгөн хөрөнгийн гүйлгээг энэ оны 5 дугаар сарын 1-ний өдрөөс эхлэн иргэдийн үнэт цаасны дансанд шилжүүлэхээр тогтоосон билээ.

Өвөрхангай аймгийн хэмжээнд 48213 иргэн дансаа нээлгээгүй байгаа судалгаа гарсан бөгөөд эдгээр иргэдийн нэр дээр “Эрдэнэс таван толгой” ХК-ийн хувьцаа 46.5 сая төгрөгийн хөрөнгө баталгаажаагүй байна.

Хэрэв иргэн та “Эрдэнэс Таван Толгой” ХК-ийн өөрт хуваарилагдсан 1,072 хувьцааныхаа эзэмшигч болоогүй бол Монголын хөрөнгийн биржид бүртгэлтэй үнэт цаасны компани буюу Брокер дилерийн компанид хандан заавал үнэт цаасны дансаа нээлгэж, хувьцаагаа баталгаажуулах ёстой. Ингэснээр та хувьцааны ногдол ашгаа авах боломжтой болохыг анхаарна уу. 

 Иргэд энэ оны дөрөвдүгээр сарын 17-нд болох Хувьцаа эзэмшигчдийн хурлаас өмнө амжиж бүртгүүлэхгүй бол ногдол ашгаа авч чадахгүй юм байна.