Аймгийн Засаг даргын үүрэг гүйцэтгэгч И.Доржсүрэн холбогдох хэлтэс, агентлагийн удирдлага, мэргэжилтнүүдийн хамт Тайпэйн худалдаа, эдийн засгийн Улаанбаатар дахь төлөөлөгчийн газрын төлөөлөгч, хатагтай Грэйс Ж.Р.Лөү тэргүүтэй зочидтой уулзалт хийж, аймгийн худалдаа, эдийн засаг, аялал жуулчлал, боловсрол, эрүүл мэндийн салбарт хамтран ажиллах боломж, нөхцөлийн талаар санал солилцлоо.

Уг төлөөлөгчийн газар нь оюутан, сурагчдыг Тайваньд суралцах боломж, бизнес эрхлэгчдийн үйл ажиллагаанд дэмжлэг үзүүлэхэд гүүр нь болж ажилладаг бөгөөд энэ чиглэлээр орон нутагт боломж, гарцыг нээж байна.

Төлөөлөгчид аймгийн бизнес эрхлэгчидтэй уулзан хамтран ажиллах боломжийн талаар, Боловсрол, шинжлэх ухааны газрын бүрэлдэхүүнтэй болон ЕБС-ийн төгсөх ангийн сурагчидтай уулзаж Тайваньд суралцах боломжийн талаар тус тус мэдээлэл өгсөн юм.