Бизнес эрхлэгч эмэгтэйчүүдийн төвөөс аймгийн удирдлагууд, гишүүдийн төлөөлөлтэй хамтын ажиллагааны уулзалт хийлээ.
Өвөрхангай аймаг дахь Бизнес эрхлэгч эмэгтэйчүүдийн төвөөс аймгийн удирдлагууд, гишүүдийн төлөөлөлтэй хамтын ажиллагааны уулзалт хийлээ. Тус төв нь орон нутагт бизнес эрхлэгч эмэгтэйчүүдийг сургалт мэдээллээр хангаж, чадавхижуулах, дэмжлэг үзүүлэх чиглэлээр ажилладаг. Өнгөрөгч хугацаанд 14 удаагийн сургалтанд 167 эмэгтэйг, 20 удаагийн уулзалтанд 272 эмэгтэйг хамруулан 28 эмэгтэйд бизнесийг нь дэмжих зорилгоор буцалтгүй тусламж олгожээ. Өвөрхангай аймаг дахь Бизнес эрхлэгч эмэгтэйчүүдийн төв нь Канадын Засгийн газрын дэмжлэгээр Азийн сангаас хэрэгжүүлж буй “Эмэгтэйчүүдийн эдийн засгийн чадавхийг бэхжүүлэх төсөл”-ийн хүрээнд 2021 оны 11-р сарын 22-ны өдрөөс эхлэн үйл ажиллагаагаа явуулж байна.
2022-10-31 14:25:20
