Аймгийн Засаг даргын дэргэдэх хэлтэс, албадын дарга нарын шуурхай хурал хуралдлаа
![](https://uvurkhangai.gov.mn/upload/images/orig/2024/02/29/03a3a13df41b9d22fc95aee0bf192dae.jpg)
Энэ удаагийн хуралд аймгийн Засаг дарга И.Доржсүрэн, Засаг даргын орлогч О.Сумъяасүрэн болон хэлтэс, агентлагийн удирдлагууд 85 хувийн ирцтэйгээр оролцов.
Тогтсон ёсоор Төрийн үйлчилгээний нэгдсэн төвийн 7032-1111 утсанд иргэдээс ирүүлсэн санал, гомдол, түүний шийдвэрлэлттэй танилцлаа.
Өнгөрөгч 7 хоногт иргэдээс БОЭТ-ийн эмчийн харилцаа хандлагатай, иргэн хүний өөрийн ойлголтын зөрүүтэй байдлаас үүдсэн гомдол 3, цахилгаан эрчим хүчний хэрэглээ, төлбөртэй холбоотой 1, Арвайхээр сумын ЗДТГ-тай холбоотой 1, “Онги Ус суваг”-2, Эрчим хүчний зохицуулах зөвлөлд -1, нийт 8 асуудлаар 9 иргэн хандаж, санал хүсэлтээ ирүүлжээ.
Тус хугацаанд 907 иргэн төрийн үйлчилгээг нэг цэгээс авсан байна.
Ирсэн гомдол, саналыг харьяалагдах байгууллагуудад хүргүүлэн, нэг асуудлаас бусад нь шийдвэрлэгдэж, өмнөх хурлаар шийдэгдээгүй байсан 2 гомдол шийдвэрлэгдсэн байна.
Хурлаар “Хүмүүн бичигтэн” аяны мэдээлэл, улс, аймгийн Онцгой комиссоос хэрэгжүүлж буй үйл ажиллагааны цаг үеийн товч мэдээлэл өглөө.
2024-02-27 14:46:35