Бүх нийтийн соёлын өдрүүд "СОЁЛЫН ӨВИЙН ӨДӨР"-өөр үргэлжилж байна
Аюуш баатрын талбайд тав дахь өдрөө зохион байгуулж буй бүх нийтийн соёлын боловсролыг дээшлүүлэх өдөрлөг өнөөдөр "Соёлын өвийн өдөр"-ийн хүрээнд Өвөрхангай аймгийн өвлөн уламжлалгчид биет болон биет бус өвийн талаарх мэдлэгийг иргэдэд хүргэж байна.
Уянга хийцийн гэр урлал боловсролын хөтөлбөр (өвлөн уламжлагч Г.Амирдаабазар, Р. Амаржаргал) Эсгийн ширмэл урлал боловсролын хөтөлбөр (өвлөн уламжлагч Д.Цэвээнхорол) Уламжлалт модон сийлбэрийн урлал боловсролын хөтөлбөрүүдийг өвлөн уламжлагч Б.Гантулга нар тус тус хамтран хэрэгжүүлэв.
Өвөрхангай аймгийн үнэт өвийн нэгээхэн илэрхийлэл болох "Уянга гэр урлал'-ын өвийг сурталчилж, "Уянга гэр урлалын өвийг соёл судлалын үүднээс шинжих нь" илтгэлийг Соёл урлагийн газрын СУХ- ийн дарга доктор (Ph.D) Л.Пүрэвлхам хэлэлцүүллээ.
Монгол гэрийн урлалын гол цөм өнөөдөр Бат-Өлзий, Хужирт сумдад байгаа бөгөөд Бат-Өлзий суманд 500 орчим, Хужирт суманд 460 орчим үйлдвэрлэгч гэрийн мод үйлдвэрлэлийг эрхэлж байна.
Соёлын өдрүүд маргааш "Кино урлагийн өдөр"-өөр үргэлжилнэ.
2024-05-28 16:25:00
