Жил бүрийн 12 дугаар сарын 5-нд “Архивчдын өдөр”-ийг улс орон даяар тэмдэглэдэг. Архивчдын өдрийг тохиолдуулан Төрийн архивын тасаг, Хөгжимт драмын театр, Төв номын сангаас "Баримтат өв" үзэсгэлэн дэлгэлээ. Үзэсгэлэнд соёлын байгууллагын түүхэн зураг, баримтат кино, гар бичмэл, ховор ном зохиол, уран зургийг дэлгэн үзүүлж, олон нийтэд сурталчлав.

Тухайлбал, Төв номын сангийн сан хөмрөгт хадгалагдаж буй модон бар, үнэт ховор ном, хамгийн том болон жижиг ном, монгол бичиг болон кириллээр бичсэн "Нууц товчоо", "Жангар", "Алтан товч", "Гэсэр" тууль зэрэг номыг иргэдэд толилууллаа.