Аймгийн Засаг дарга Музейн шинэ барилгын ажлын явцтай танилцаж, үүрэг өглөө
2025 онд Өндөр гэгээн Занабазар мэндэлсний 390 жилийн ой тохиож байгаа. Тиймээс тус барилгын интерьерийг буюу дотоод заслын ажлыг эрчимжүүлж, энэ оны 07 дугаар сарын 01-ний өдөр гэхэд нэг болон хоёрдугаар давхарыг ашиглалтад оруулахыг гүйцэтгэгч барилгын компани болон холбогдох байгууллагын удирдлагуудад өнөөдөр үүрэг болгов.
Музей нь зөвхөн гоё барилгаар хэмжигдэхгүй. Дотоод тохижуулалт нь үзүүллэг, дэглэлт, интерьер дизайн, уран сайхны цогц шийдэл, дотор байрлуулах үзмэр цуглуулга зэрэгт тусгах гэрлийн байршил, дотоод чийгшил, температурын түвшинг стандартад шийдэх зэрэг маш нарийн ажиллагаатай байдаг ажээ.
2025-03-17 16:56:34
