Хүүхдийн байгууллага, хөдөлгөөн үүсч хөгжсөний 90 жилийн ойд зориулан аймгийн Хүүхдийн байгууллагын сүлд дууны шүлгийн уралдааныг зарласан. Тус уралдаанд Болор цом-31 наадмын 4дүгээр байрын шагналт, Төгрөг сумын уугуул Д.Өсөх-Эрдэнийн шүлэг шалгарч, Урлагийн гавьяат зүтгэлтэн, хөгжмийн зохиолч, Хужирт сумын уугуул Б.Бямбабаяр уг шүлгэнд ая зохиосноор Өвөрхангай аймгийн хүүхэд, багачууд сүлд дуутай боллоо.
Үг Д.Өсөхбаяр Ая. МУГЗ Б.Бямбабаяр
“Гэгээн алсад хүрэх дуу”
Эрдэнэ зуугийн буурин тамган дээр
Эзэнт гүрний түүхийг хадгалж байна
Ижий Орхоныхоо урсгал дээр
Ирэх цагийг угтан дуулж байна
Дх: Эгшиг дуу минь жигүүр дэлгэн нисээрэй
Эрин зуунаар дамжин түрээрэй
Ийм сайхан Монгол орны минь
Ирээдүйн эзэд эндээс дуулан мордож байна
Өндөр гэгээний урлаж бүтээсэн
Өршөөлт соёмбо дэлхийд мандаж байна
Өлгий нутгийнхаа уудам талаас
Өврийн хангайн хүүхдүүд дуулж байна
Дх: Эгшиг дуу минь жигүүр дэлгэн нисээрэй
Эрин зуунаар дамжин түрээрэй
Ийм сайхан Монгол орны минь
Ирээдүйн эзэд эндээс дуулан мордож байна
Эцэг дээдсээс түшиж босгосон
Эрхэм төр минь амар амгалан байна
Эх орныхоо хүйсэн дээрээс
Энхрий үрс чинь дуугаа өргөж байна
