Аймгийн Мэргэжлийн хяналтын холбогдох байцаагч нар орчны бохирдлын эсрэг ажлын хүрээнд Арвайхээр суманд барилга угсралтын үйл ажиллагаа эрхэлж байгаа иргэн, байгууллагуудад хяналт шалгалт хийлээ.
Хяналтаар барилгын хог хаягдлын цуглуулалт, тээвэрлэлтийн горимыг хангаж ажиллаагүй 2 иргэн 4 байгууллагад зөрчлийг арилгах хугацаатай үүрэг даалгавар өгсөн байна.
Мөн Мэргэжлийн хяналтын Ерөнхий газрын улсын байцаагчийн зөвлөмж, чиглэлийн хүрээнд Арвайхээр сумын нийтийн эзэмшлийн гудамж, зам талбай, нийтийн орон сууцны барилгууд, гэр хорооллын айл өрхүүдийн цахилгааны шит, цахилгаан дамжуулах утас, кабелийн аюулгүй байдалд хяналт шалгалт хийн ажиллаж байна. Цахилгаан түгээх тусгай зөвшөөрөл эзэмшигч аж ахуйн нэгж байгууллагууд, эрчим хүч хэрэглэгч иргэдийн цахилгаан тоноглол, шугам сүлжээний ашиглалтын үеийн аюулгүй байдлыг хангуулах, галын аюулаас урьдчилан сэргийлэх зорилгоор энэхүү ажлыг хэрэгжүүлж байгаа юм.
