Дэлхийн банкны санхүүжилтээр Арвайхээр, Хархорин сумдын цахилгаан түгээх сүлжээний шинэчлэлийн ажил хийгдэж байна. Арвайхээр суманд 147 км агаарын шугамыг шинэчлэх, 4 дэд станцыг шинээр барьж, 7 дэд станцыг өргөтгөх, Цахилгаан дамжуулах агаарын 6000 гаруй модон тулгуурыг төмөр бетон тулгуураар солих, 8000 гаруй айл өрх, 545 аж ахуйн нэгжийг ухаалаг тоолуурт, шилжүүлэх ажлууд хийгдэнэ. Хархорин суманд  89 км агаарын шугамыг шинэчлэх, 2 дэд станцыг шинээр барьж, 6 дэд станцыг өргөтгөх, Цахилгаан дамжуулах агаарын 3000 гаруй модон тулгуурыг төмөр бетон тулгуураар солих, 2400 гаруй айл өрх, 250 аж ахуйн нэгжийг ухаалаг тоолуурт шилжүүлэх ажлууд хийгдэнэ.  Төсөл хэрэгжсэнээр эрчим хүчний хүчин чадал нэмэгдэж, гэмтэл доголдолгүй болж, хэрэглэгчид ухаалаг тоолуурыг ашиглах юм.  Уг ажлыг “Ричвелл инженеринг” ХХК гүйцэтгэж буй бөгөөд хэрэглэгчдийг ухаалаг тоолуурт холбохоос бусад ажлыг 2021 ондоо багтааж хийнэ. Төслийн ажилд орон нутгийн 20 гаруй иргэн түр ажлын байраар хангагдаад байна.