“KHARAKHORUM ICE FESTIVAL 2024” ЭВЕНТ ЭНЭ САРЫН 07, 08-НЫ ӨДРҮҮДЭД БОЛНО
Өвлийн аялал жуулчлалыг хөгжүүлэх зорилгоор аялагчид, мөсөнд авирагчдад зориулсан "Кharakhorum ice festival-2024" эвентийг Бат-Өлзий сумын “Улаанцутгалантын хүрхрээ”-д 2024 оны 12 дугаар сарын 07, 08-ны өдрүүдэд зохион байгуулах гэж байна.
Хангайн бүсийн энэхүү арга хэмжээгээр мөсөнд авирагчдын тэмцээнээс гадна үндэсний хувцастай сайхан хос шалгаруулах, мөсний шагай, сурын харваа, үзэсгэлэн худалдаа зэрэг үйл ажиллагаанууд болно.
Тус арга хэмжээг аймгийн Засаг даргын Тамгын газар, Байгаль орчны газар, Соёл, урлаг, аялал жуулчлал, залуучуудын газар, Биеийн тамир, спортын газар, Бат-Өлзий сумын Засаг даргын Тамгын газар, Авто спортын холбоо, "Монголиа Экспедишнс" ХХК хамтран зохион байгуулж байна.
2024-12-04 11:28:32
