Тус өдөрлөгт Арвайхээр сумын 11 багаас 126 ахмад оролцож, өглөөний алхалт, дасгал хөдөлгөөн хийж, эрүүл урт наслах, дасгал хөдөлгөөний сайн туршлагаас суралцахаас гадна биеийн жин, артерийн даралтаа үзүүлж, эрүүл мэндийн зөвлөгөөг сонслоо.

Энэ үеэр Эрүүл мэндийн газраас өглөөний алхалт, дагсал хөдөлгөөнийг тогтмол хийж, эрүүл урт насалж, ахмадууддаа үлгэр дуурайлал болж яваа өндөр настан Ё.Рэгзэдмаа, С.Амаржаргал, Ц.Долгорсүрэн, Ц.Цэрэннадмид нарыг алдаршуулж, шагнаж урамшуулав. Шагнагдсан ахмадууд өөрсдийн амьдралдаа хийж, хэвшүүлж буй дасгал хөдөлгөөний сайн туршлагаасаа хуваалцаж, өндөр настан Ц.Долгорсүрэн хийн дасгалын ач холбогдлыг хэлж, цугласан ахмадуудад зааж өглөө. Ахмадууд уг арга хэмжээг үр дүнтэй сайн зохион байгуулж байгаад талархаж, цаашдаа өглөөний алхалт, дасгал хөдөлгөөнд нэгдэхээ хэлж байв.