Пауэрлифтингийн нээлттэй тэмцээн боллоо
Хархорин сумын уугуул Пауэрлифтингийн дэлхийн аварга Т.Амарзаяагийн нэрэмжит Өвөрхангайн нээлттэй тэмцээн өнгөрөгч амралтын өдрүүдэд спортын ордонд болж өнгөрлөө. Тэмцээнд өсвөр, залуучууд, насанд хүрэгчид, эмэгтэй гэсэн 4 жингийн ангиллаар нийт 78 тамирчин оролцож, тэсвэр тэвчээр, хүч чадлаараа өрсөлдөв.
Баянхонгор, Дундговь, Төв аймаг, Улаанбаатар хотоос баг, тамирчид хүрэлцэн ирж оролцсон бөгөөд энэ нь тэмцээнийг улам өрсөлдөөнтэй өргөн хүрээтэй болгосон хэмээн зохион байгуулагчид онцолж байна.
Тэмцээний үеэр Өвөрхангай аймгийн тамирчин О.Орхонтуул Унгир улсад болсон өсвөр залуучуудын дэлхийн аварга шалгаруулах тэмцээнээс хүрэл медаль хүртсэн амжилтаа 12.5 кг-аар ахиулж, хувийн рекордоо шинэчлэлээ.
2014-11-18 20:37:19
