Сумын төвүүдийн нийтийн эзэмшлийн зам талбай, байгууламжуудыг нэмэгдүүлэх, гэр хороолол болон айл өрхийг аймгийн гэр хорооллын стандартын дагуу тохижуулах зорилгоор аймгийн Засаг даргын 2014 оны 3 дугаар сарын 4-ний өдрийн А/86 дугаар захирамж гарч, “Сумын төвийн тохижилт, Гэр хорооллын стандартыг хэрэгжүүлэх” зорилтот уралдааныг аймгийн хэмжээнд зарласан. Тус уралдааны дүнг Засаг даргын зөвлөлийн  1 дүгээр сарын 20-ны өдрийн хуралдаанаар хэлэлцэж, шилдэг тохижилттой сум, баг, өрхүүдийг шалгарууллаа. 

Шилдэг тохижилттой сумдаар Баруунбаян-Улаан, Баянгол, Хайрхандулаан сум, шилдэг тохижилттой багаар Гучин-Ус сумын Ар-Аргуйтын 4 дүгээр баг, Арвайхээр сумын Дэлгэрэхийн 3 дугаар баг, Тарагт сумын Хүрэмтийн 3 дугаар баг шалгарлаа. Мөн гэр хорооллын үлгэр жишээ тохижилттой 10 өрхийг тус тус тодруулав.

2015-01-20 22:25:10