“Алслагдсан хөдөөгийн малчдын хүүхдүүдийн бага боловсролын үр дүнг сайжруулах нь” төслийн хүрээнд аймгийн Засаг даргын дэргэдэх Насан туршийн боловсролын төв болон зорилтот 10 сумын насан туршийн боловсролын төвийн нэгжийг түшиглэн “Бага боловсрол нөхөн олгох сургалтын танхим”-ыг байгууллаа.

Эдгээр төвүүдээр дамжуулан сургуульд сурч байгаагүй болон бага ангиас сургууль завсардсан орон нутгийн хүүхдүүдэд “Бага боловсрол нөхөн олгох хөтөлбөр”-ийг хэрэгжүүлэх бөгөөд шаардлагатай тоног төхөөрөмж, сургалтын хэрэглэгдэхүүнийг тус төслөөс нийлүүллээ. Боловсрол, соёлын газар болон Насан туршийн боловсролын төв мэргэжил арга зүйгээр хангаж, тогтвортой, үр дүнтэй ажиллуулах үүрэг хүлээсэн юм. 

2015-03-19 20:03:00