Аймгийн иргэдийн Төлөөлөгчдийн Хурлаас Холбооны Бүгд Найрамдах Герман Улсын Конрад Аденауэр Сантай хамтран “Эмэгтэйчүүдийн нийгэм, улс төрийн үүрэг, оролцоо”  сэдэвт сургалт, хэлэлцүүлгийг энэ сарын 17-ноос 18-ны өдрүүдэд зохион байгууллаа. Тус арга хэмжээнд 19 сумын төлөөлөл 70 гаруй эмэгтэйчүүд оролцсон юм.

Өвөрхангай аймаг 112.0 мянган хүн амтай улсын хэмжээнд 2 дугаар байранд орж байна. Нийт хүн амын 50.5 хувийг эмэгтэйчүүд эзэлдэг бөгөөд хөдөө аж ахуй, жижиг дунд үйлдвэр, боловсрол, эрүүл мэндийн салбарт ажиллагсдын 50-иас 80 хувийг эмэгтэйчүүд эзэлж байгаа юм. Эмэгтэйчүүдийн нийгмийн оролцоо өндөр байдаг ч шийдвэр гаргах түвшинд тэдний оролцоо бага байдаг. Иймээс эмэгтэйчүүдийн нийгэм, улс төрийн оролцоог нэмэгдүүлэх, чадавхжуулах зорилгоор энэхүү арга хэмжээг зохион байгуулж байгаа ажээ. 

2015-04-20 19:00:05